Нов монтажен јавен паркинг беше пуштен во употреба зад ТЦ „Буњаковец“.
Гаражата има површина од 1.850 метри квадратни, со 104 паркинг места. Монтажната гаража е изградена од еколошки материјал, од челична поцинкувана конструкција, составена од модули. Поставени се скали за непречена и безбедносна комуникација на пешаците.
Од Општина Центар најавија дека улицата „Владимир Полежановски” ќе стане еднонасочна, а тесното грло и сообраќајниот хаос ќе се реши со отстранување на паркинг местата од улицата.
