Рускиот премиер Дмитриј Медведев ја потпиша уредбата за суспензија на атомското истражување и развој со САД, објавено е во среда на неговата интернет страница.
„Американските санкции против Русија, вклучително и (претходната) суспензија на американско-руската соработка на подрачјето на атомската енергија, бараат контрамерки“, се вели во објавеното соопштение.
Руските медиуми пренесуваат дека суспензијата посебно се однесува на соработката меѓу руската државна атомска корпорација Росатом и американското министерствоз а енергетика.
Рускиот претседател Владимир Путин на почетокот на неделата ја потпиша уредбата за суспензија на американско-рускиот договор за складирање на вишокот плутониум, што може да се користи за изградба на нуклеарно оружје.
Американската влада истовремено објави дека ја откажува воената соработка со Русија во Сирија.