Британскиот синџир за малопродажба „Tesco“ забележа добивка за првото полугодие над оценките на аналитичарите, што покажува дека планот на главниот извршен директор Дејв Луис за заживување на компанијата и стекнување на сила, пишува „Bloomberg“.
Оперативната добивка порасна за 60% до 596 милиони фунти (759 милиони долари) пред еднократните ефекти, соопшти компанијата, а во исто време ги претстави плановите да се врати профитот до нивото од пред три години. Средната оценка на 15-те аналитичари анкетирани од „Bloomberg News“, беше за профит од 523 милиони фунти. Цената на акциите на компанијата скокна за 9,3% по веста, најголемиот раст од пред две години.
Луис донесе стабилност во „Tesco“, откако ги намали цените и ги подобри услугите на клиентите во позадина на ценовната војна, започната од поевтините синџири, како „Aldi“ и „Lidl“. Оптимизмот на инвеститорите се ограничува од тенденциите надвор од контролата на главниот извршен директор: новото минимално плаќање ги зголемува трошоците за најголемиот британски сопственикот во приватниот сектор, а во исто време намалувањето на приносот на обврзниците го зголеми пензискиот дефицит на „Tesco“ со 3,2 милијарди фунти до 5,9 милијарди фунти во последните шест месеци.
Од „Tesco“ објавија дека е поставена за цел оперативна маргина меѓу 3,5% и 4% до финансиската 2020-та година. Маргина за основниот локален бизнис со супермаркети бил 1,8% во првото полугодие, намалување од околу 5% од пред две години, откако компанијата ги намали цените за да го задржи темпото со поевтините синџири.