Приоритетната акција на Скопски пазар (СПАЗП) беше лидер по остварениот промет со 7,3 милиони денари и воeдно оствари најголем поединечен пораст на вредноста на акцијата од 20 отсто со истргувани 2.447 лотови по цена од 2.982,00 денари.
Во листата на милионерите уште се запишаа и акциите на Комерцијална банка (2,5 милиони денари) и акцијата на Централниот депозитар за хартии од вредност (1,4 милиони денари).
Зголемен промет на тргување имаше и кај обврзниците од 1,5 милиони денари, при што најтргувани беа обврзниците за денационализација од четиринаесеттата и петнаесеттата емисија (РМДЕН14, РМДЕН15).
Вкупниот промет изнесуваше 14,5 милиони денари при што индексот МБИ10 порасна за 0,05 отсто, додека ОМБ ја намали својата вредност за 0,14 отсто.
