„Google“ спаѓа во групата на најпосакувани работодавци, но судејќи според прашањата кои им се поставуваат на кандидатите за вработување, тешко се доаѓа до некое од работните места.
Вилијам Паундстон, авторот на книгата „Дали сте доволно паметни да работите за „Google“?“ објаснува какви задачи и загатки им се поставуваат на потенцијалните вработени во компанијата. Тој во својата книга открива како да бидете брилијантни на вашето интервју, доколку конкурирате во оваа компанија, а открива и некои од можните прашања кои можат да ви бидат поставени.
Како што тој тврди во книгата, одделот за човечки ресурси од одговорите може да утврди дали некој од кандидатите со задоволство би ја работел понудената работа. На листата се наоѓаат и овие прашања:
-Зашто капаците од шахтите се округли?
-Колку тоалетна хартија е потребна за да се прекрие цел Тексас?
-Ве смалуваат во големина на една монета и ве фрлаат во миксер кој ќе почне да работи за 60 секунди. Што ќе направите?
-Колку би наплатиле за бришењето на сите прозорци во Сиетл?
-Колку правосмукалки се произведуваат годишно?
-Смислете план за евакуација на Сан Франциско.
-Кој број е следен во низата: 10, 9, 60, 90, 70, 66 ?
-Во што побрзо се плива, во вода или во сируп?
-Колку пати во денот стрелките на часовникот се преклопуваат?
-Маж го туркал својот автомобил до некој хотел и го изгубил целото свое богатство? Што се случило?
Сега за сега од компанијата немаат коментар за оваа книга и задачите кои се опишани во неа, но една поранешна вработена во „Google“ открива дека прашањата на интервјуто за работа во таа компанија се комплексни и бараат голема снаодливост и интелигенција.
