Преку само една блок трансакција со акциите на Скопски Пазар АД Скопје беа реализирани 57 отсто од вкупниот промет остварен на Македонската берза во тргувањето во четвртокот.
Блок трансакцијата беше реализирана преку 330 акции по цена од 9.500,00 денари по акција. Вредноста на акцијата остана непроменета.
Останатите акции се тргуваа во скромно количество, а поединечно со ниедна акција не се оствари промет над еден милион денари.
Индексот МБИ10 ја намали својата вредност за минимални 0,17 отсто, на 1.945,69, додека ОМБ остана непроменет поради отсуството на обврзниците на пазарот.
