Европската централна банка мора да признае дека нејзината монетарна политика не е доволна за решавање на европските економски проблеми, вели претседателот на UBS Аксел Вебер.
Вебер нагласи дека монетарната политика е единствено ефикасна „како привремено решение“.
„Во Европа имаме претерано потпирање на монетарната политика во решавањето на проблемите“, изјави Вебер кој од 2004 до 2011 беше член на Советот на гувернери на ЕЦБ.
Тој додаде дека структурните реформи се есенцијални во зголемувањето на потенцијалот за раст на европските држави.
Вебер на овој начин се придружи до се поголемиот број на експерти кои сметаат дека монетарната политика на ЕЦБ ги достигнала своите граници.