Во сабота, од 18 часот во големата сала од ЦК „Марко Цепенков“, целовечерен концерт ќе одржи Мандолинскиот оркестар Скопје.
На програмата се дела од Моцарт, Верди, Ди Капуа, Кертис, Тошевски, Димитров, Мандонико….Диригенти се Рамадан и Ерхан Шукри.
Мандолинскиот оркестар Скопје е формиран во 2001 година и оттогаш досега е водечки мандолински оркестар во земјата, кој постигнува големи успеси остварувајќи низа концерти низ Македoнија и во странство, настапувајќи со врвни вокално инструментални уметници. Оркестарот е достоен репрезент и амбасадор на македонската музичка култура, уметност и традиција.
Репертоарот на оркестарот е разнолик, со широк дијапазон од оперската, балетската и симфониската музика од цел свет. Исполнуваат и популарна забавна музика, стилизиран и обработен фолклор, дела посебно напишани за мандолински оркестри, компзоиции од македонски автори, како и композиции за деца.
