Темпото на економскиот раст на еврозоната во месец септември падна на најниското ниво за 20 месеци, покажаа податоците на лондонската истражувачка компанија Маркит.
Индексот на менаџерите за набавка (ПМИ), како најшироко мерило за економската активност, во еврозоната падна во септември на 52,6 од 52,9 поени од претходниот месец, пренесува американската агенција АП.
Секој податок над 50 поени укажува на зајакнување на секторските активности, а под 50 поени на нивен пад.
Деталниот увид во податоците покажува дека услужниот сектор имал особено тежок месец, но дека преработувачката активност пораснала по најголема стапка од декември минатата година.
Исто така е регистриран голем јаз меѓу двете водечки европски економии, па така додека ПМИ во Германија паднал на 16-месечен максимум, во Франција пораснал со најбрзото темпо од јуни 2015 година.
„Економијата на еврозоната го заврши третиот квартал во разочарувачко светло“, изјави економистот на Маркит, Роб Добсон.
Како што додаде, економскиот раст во тој квартал забави на околу 0,3 проценти, поради што е јасно дека економскиот пресврт е сеуште несигурен.
