Европските банки земале речиси двојно повеќе евтини кредити во склоп на втората рунда од програмата за рефинансирање на ЕЦБ отколку што предвидуваа аналитичарите.
ЕЦБ објави дека одобрила кредити во износ од 45,3 милијарди евра за 249 банки во еврозоната во рамките на таканаречената програма „Целни долгорочни операции за рефинансирање“ (TLTRO), пренесува агенцијата Франс прес.
Таквиот износ е понизок во однос на првата рунда во јуни, но е значително поголем од прогнозата на аналитичарите од ING Diba Bank кои предвидуваа дека банките ќе позајмат 25 милијарди евра.
