Во опасност се „паспортинг“ правата кои им овозможуваат слободно работење на 5,500 британски финансиски компании ширум европскиот пазар.
На ова предупреди британската Управа за контрола и надзор на финансискиот сектор (FCA).
Исто така, околу 8.000 финансиски компании со седиште во други членки на Европската унија работат во Британија благодарение на „паспортинг“ правата и нивните права исто така се загрозении, објави FCA, пренесува агенцијата Франс прес.
„Паспортинг“ шемата им овозможува на компаниите да работат ширум 28-члената Европска унија и 31-члената Европска економска зона, која покрај членките на ЕУ, ги опфаќа и Исланд, Норвешка и Лихтенштајн.
Како што оценува АФП, иднината на овие права е неизвесна во пресрет на отворањето на преговорите за Брегзит во наредната година, кои имаат за цел постигнување на нов трговски договор меѓу Велика Британија и ЕУ.
