Растот на глобалната економија оваа и следната година ќе забави до ниво што не е забележано од финансиската криза, бидејќи доаѓа до застој на глобализацијата, соопштено е од Организацијата за економска соработка и развој(ОЕЦД).
Глобалната економија, како што наведува ОЕЦД, оваа година ќе оствари раст од само 2,9 отсто, што е помалку во однос на прогнозата од три отсто од јуни и е најниска стапка од глобалната финансиска криза во 2008 и 2009 година.
За следната година, ОЕЦД предвидува раст на глобалната економија од 3,2 отсто, што е 0,1 процентен поен пониско во однос на претходната проценка.
