Само пред неколку месеци „Mercedes-Benz“ откри дека подготвува теренец варијанта на новата генерација „E-Class“. Моделот е веќе подготвен и ќе биде претставен пред публиката на крајот од овој месец, за време на автосаемот во Париз.
„Mercedes-Benz E-Class All-Terrain“, како што е полното име на моделот е создаден како директен конкурент на автомобили од категоријата на „Audi A6 Allroad“, „Volvo V90 Cross Country“ и „Subaru Outback“. Тој е опремен со задолжителните за слични модели зголемено тло, погон на сите четири тркала и препознатлив дизајн.
Во споредба со стандардната „E-Class“ новиот „All-Terrain“ демонстрира различна решетка, специфични браници, дополнителни прагови и заштитни елементи на каросеријата, вклучувајќи ги сводовите на крилата.
Автомобилот уште во основната опрема го има системот за погон на четири тркала „4Matic“, кој е програмиран со нови поставки за подобро претставување на лоши терени. Исто како стандардната верзија се нуди индивидуализирана воздушна суспензија „Air Body Control“ што овозможува регулирање на растојанието со до 35 мм. Така клиренсот на моделот може да варира помеѓу 120 и 156 мм.
Во опремата на „E-Class All-Terrain“ се вклучени исто специјални тркала и гуми кои обезбедуваат максимална проодност и удобност на секаков вид терени, се вели во пораката. Електронскиот систем со различни режими на работа – „Dynamic Select“, е дополнета со нова функција за офроуд движење. Таа ги менува подесувањата на системите за стабилност, на суспензијата и погонскиот тракт.
За време на саемот во Париз моделот ќе се појави во една единствена верзија – „E220d 4Matic All Terrain“. Таа се потпира на 2.0-литарски дизел со 194 КС и 400 Нм. Забрзување 0-100 км/час кај моделот трае точно 8 секунди, а максималната брзина е ограничена електронски на 232 км/час. На почетокот на следната година во палетата ќе биде вклучен и помоќен дизел со 6 цилиндри – „E350d“.
Сите детали, вклучувајќи ги и цените, ќе бидат откриени за време на премиерата во Париз.
