Според податоците на Државниот завод за статистика, во јули 2016 година, продажните цени на производителите на индустриски производи, вкупно, се пониски за 0.7% на месечно ниво, а за 3.2% на годишно ниво.
Во јули 2016, во споредба со јуни 2016 година, продажните цени на производителите на индустриски производи, вкупно, се пониски во секторот Рударство и вадење на камен за 4.3%, а во секторот Преработувачка индустрија и во секторот Снабдување со електрична енергија, гас, пареа и климатизација за 0.4%.
Во јули 2016, во споредба со јули 2015 година, продажните цени на производителите на индустриски производи, вкупно, се пониски во секторот Рударство и вадење на камен за 5.1%, во секторот Преработувачка индустрија за 3.4%, а во секторот Снабдување со електрична енергија, гас, пареа и климатизација се повисоки за 1.7%.
Според податоците на Државниот завод за статистика, во јули 2016 година, продажните цени на производителите на индустриски производи на странски пазари се пониски за 0.3% на месечно ниво, а за 7.1% на годишно ниво.
Во јули 2016, во споредба со јуни 2016 година, продажните цени на производителите на индустриски производи на странски пазари се пониски за 6.8% во секторот Рударство и вадење на камен, а во секторот Преработувачка индустрија се повисоки за 0.4%.
Во јули 2016, во споредба со јули 2015 година, продажните цени на производителите на индустриски производи на странски пазари се пониски во секторот Рударство и вадење на камен за 12.4%, а во секторот Преработувачка индустрија за 6.5%.
