Moдернизација на системот на јавно осветлување, при што ќе биде воведена ЛЕД технологија на улично осветлување, со современи техники на управување и надзор најави градоначалникот на општина Центар, Андреј Жерновски, на прес-конференција.
Општината со новото осветлување ќе штеди од 60 отсто до 80 отсто од трошоците за енергија на годишно ниво. Целокупниот проект е проценет на 2.081.000 евра. Заштедата од замената е проценета на 3.850.000 евра.
Бенефиции од овој проект на општина Центар се поголема безбедност на јавните објекти, систем за регулација и детекција на дефекти, отстранување на нелегалните поврзувања, усмерена светлина која нема да им пречи на станарите од пониските спратови како и заштина на животната средина, економичност, уличките кои досега беа неосветлени ќе добијат нови светла на нови позиции.
Како што потенцира Жерновски, со оваа модернизација на осветлувањето ќе бидат осветлени и училиштата и градинките, со што ќе се зголеми и нивната безбедност.