Пластични пари беа промовирани во вторник во Велика Британија, а новата банкнота од пет фунти без оштетување може да се пере во машина за перење.
Банкнотата е направена од цврст полимер, што и овозможува поголема трајност.
Оваа банкнота ги има и најсовремените безбедносни мерки и заштита од фалсификување, а претставници на Централната банка на Велика Британија тврдат дека се почисти, побезбедни и поцврсти од хартиените пари.
Сликата на новата банкнота е портретот на воениот лидер Винстон Черчил, кој сѐ уште е еден од најпочитуваните британски политичари.
Старите хартиени банкноти од пет фунти ќе бидат во оптек до 5 мај следната година.