На европските берзи во понеделник цените на акциите остро паднаа бидејќи инвеститорите се плашат дека централните банки би можеле полека да се откажат од рекордно ниските камати и исклучително лабавата монетарна политика.
Лондонски FTSE индексот околу пладне е во загуба 1,7 отсто, на 6.659 бодови, додека франфуртски DAX се лизна 2,2 отсто, на 10.342 поени, а париски CAC 2,3 отсто, на 4.392 бодови.
Лошото расположение на берзите е последица на падот на берзанските индекси на Волстрит во петок повеќе од два отсто, по новите пораки од американската централна банка, Федерални резерви(Фед) дека наскоро е можно зголемување на каматите.
Врз пазарите лошо влијае и падот на цената на нафтата. Откако во петокот потонаа повеќе од четири отсто, во понеделник на лондонската берза цената на барелот се лизна еден отсто, на 47,54 УСД. На американскиот пазар барелот поевтини 1,3 отсто, на 45,27 УСД.
