Инспекторите од „Тројката“ меѓународни кредитори вчера пристигнале во Атина со цел да и апелираат на грчката влада да ја забрза имплементацијата на економски реформи заради добивање на преостанатата помош од спасувачкиот пакет.
„Тројката“ кредитори пристигна во Атина
Претстaвниците на Меѓународниот монетарен фонд, Европската централна банка и Европската комисија денес би требало да ги започнат преговорите со официјалните претставници на грчката влада, пренесува агенцијата АП.
Меѓу долго одложуваните реформи се забрзувањето на програмата за приватизација и либерализација на енергетскиот сектор.
Грчкиот премиер Алексис Ципрас врши притисок на кредиторите да и доделат на Атина поблаги услови за отплата на кредитот, што, како што наведува АП, ќе и овозможи на неговата земја да излезе од повеќегодишната рецесија.
Кредиторите на Грција и соопштија дека преговорите за отпис на долгот ќе бидат можни кога владата во Атина ќе спроведе мерки за штедење и ќе ги олесни отпуштањата во јавниот сектор.