Британската влада во ноември ќе го претстави првиот извештај за буџетот откако оваа земја гласаше за излез од Европската унија.
Новиот министер за финансии Филип Хамонд точно пет месеци по референдумската одлука на Британија да отстапи од ЕУ ќе го претстави есенскиот извештај пред парламентот, соопшти британското Министерство за финансии, пренесува агенцијата Франс прес.
„Министерот за финансии Филип Хамонд објави дека на 23-ти ноември 2016 година ќе го претстави својот прв есенски извештај пред парламентот“ се наведува во соопштението на министерството.
Освен плановите кои се однесуваат на даноците и потрошувачката, буџетот ќе ги содржи и најновите прогнози на британската влада во поглед на економскиот раст на земјата.
Есенскиот извештај се доживува како мини-буџет кој доаѓа пред главниот буџет кој обично се претставува во март.
