7 години по премиерата на „Peugeot 5008“, моделот не доби само нова генерација. Тој беше преобразен во „SUV“ со 7 места, а ќе има официјална премиера кон крајот на овој месец, за време на автосаемот во Париз.
Иако изгледа како типичен претставник на теренец од сегментот „C“, новиот „Peugeot 5008“ успеал да ги задржи сите предности на „миниван“ возилата. Тој е изграден на новата шасија „EMP2“ што ја познаваме од голем број на модели на марката, вклучувајќи го и „3008“. Моделот располага со 7 места, а секое од седиштата може да се свитка, премести и отстрани.
Лесната и здрава платформа им дозволила на инженерите да го зголемат внатрешните простор, правејќи го еден од најпознатите во сегментот. Надворешните димензии исто така се зголемени во споредба со стариот „5008“ – за 16,5 см во должина и 11 см во ширина. Багажниот простор пак нуди навистина импресивен волумен од 1065 литри. Дури и при користење на седумте седишта во кабината, волуменот останува импресивен – 640 литри.
Што се однесува до дизајнот, тој е многу сличен со оној на кросоверот „3008“. Ова важи во најголем степен за ентериерот – „i-Cockpit“ кој е буквално прекопиран. Всушност ние не успеавме да откриеме ниту една разлика помеѓу кабините на „3008“ и „5008“.
Предложените мотори за за моделот се вкупно 6 – два бензински и 4 дизели. Бензинските се 1,2 литарски турбо со 130 КС и 1,6 литарски турбо со 165 КС. Дизелите се 1,6-литарски со 100 или 120 КС и 2,0 литарски со 150 или 180 КС.
Новиот „5008“ нема можност за поставување на систем 4х4. Исто како својот претходник моделот се обложува на системот за оптимизирање на лепењето со патот – „Advanced Grip Control“. Тој има 5 режими на работа – Стандарден, Снег, Теренски (кал/мокра трева), „SanDisk“ и „ESP off“, кои би требало да бидат доволни за потребите на возачите кои ретко ги напуштаат асфалтираните патишта.
Официјалната премиера на новиот „Peugeot 5008“ ќе се одржи во Париз подоцна во овој месец. Според информациите, продажбата ќе започне во пролетта 2017-та година.
