Ако Лондон го изгуби статусот на бизнис лидер на светот, Сингапур брзо ќе го смени на водечката позиција, коментира „Bloomberg“.
Азиската островска држава во рангирањето е по Лондон како најдобар глобален бизнис град, покажува новото истражување на „PricewaterhouseCoopers“, базирано на социјалните и економските податоци објавени пред гласањето на Велика Британија за излез од Европската унија. Индексот на компанијата „Cities of Opportunity Index“, кој излегува по седми пат, го става Сингапур пред Париз и Амстердам – два европски града, кои се обидуваат да ги привлечат странските компании во случај да се одлучат да ги преместат своите активности од Лондон.
Исклучителните технологија, ниските даноци и најефикасните транспортни и инфраструктурни системи му помогнале на Сингапур да го надмине Њујорк и да се искачи за едно место напред на листата во однос на претходната анкета од 2014-та година, посочува „PwC“.
За разлика од другите студии кои ги рангираат финансиските центри врз основа на нивната конкурентност, индексот на „PwC“ ги проценува градовите и нивното социјално и економско здравје, мерењето на индикаторите, како лесното водење бизнис, демографијата и технолошката подготвеност.
Резултатите го покажуваат зголеменото бизнис влијание на Сингапур, делумно како резултат на проширувањето на финансиската и осигурителната индустрија, која формира околу 13% од економијата.
Сингапур води пред својот главен азиски конкурент – Хонгконг, во категориите како лесно водење бизнис, инфраструктура и здравство, безбедност и сигурност. Хонгконг опаѓа со едно место надолу во индексот до деветтата позиција, делумно поради послабите резултати во категоријата ги мери интелектуалниот капитал и иновациите.
Малку градови се пред Сингапур од гледна точка на даноците. Корпоративната даночна стапка е 17% во однос на над 30% во Франција, 35% во САД и во просек од 22,8% во 35-члената Организација за економска соработка и развој (ОЕЦД).
„Анализа на вкупната корпоративна даночна стапка, даноците на поединци и даночната ефикасност покажува дека Сингапур, заедно со Дубаи и Хонгконг, имаат најниски стапки и највисока ефикасност“, вели „PwC“.
Втората позиција во индексот сепак не значи дека Сингапур ќе ги привлече компаниите бараат да ги преселат своите активности надвор од Лондон при излегување на Британија од ЕУ. Како почеток градот-држава ги затегнува правилата спрема странските вработени и има целогодишен проблем со загадувањето поради шумските пожари во Индонезија.
Рави Менон, шеф на централната банка на Сингапур, во вторникот рече дека компаниите стартуваат од активноста во Хонгконг и Сингапур, за да влезат на азиските пазари и „Brexit“ може и да не им наштети во атрактивноста на Лондон како финансиски центар.
„Лондон ќе остане главен финансиски центар. Ако има некое поместување, тоа ќе биде кон други финансиски центри во Европа“, вели Менон.
