„БАЛКАНОТ – Алтернативен пат од Израел до Европа” е носечката тема за која ќе се дискутира на годинешниот втор Меѓународен бизнис форум 2013 во организација на Mакедонско-израелскиот бизнис клуб.
На форумот пријавени се 90 компании од Израел, Шведска, Швајцарија, Холандија, Русија, Турција, Македонија, Хрватска, Србија, Албанија, Бугарија и Косово. Застапени се фирми од информатичко-комуникациската технологија, земјоделство и преработувачка индустрија, обновлива и алтернативна енергија, медицина и фармација.
Во официјалниот дел, оснoвачот и претседател на светски познатата корпорација и производител на фотоволтаични панели “Милениум електрик”, Ами Елазари, ќе ја изложи замислата како земјите од обединет Балкан може да претставуваат потенцијална можност за еден заеднички сериозен странски пазар.
Елазари е иноватор и соработник на НАСА.
На форумот ќе присуствува и претседателот на Интернационалната федерација на бинационалните комори на Израел Феликс Кипер.
