„Microsoft“ доби значајна поддршка за соборување на американскиот закон кој на компаниите им забрануваат да ги известат своите корисници дека од властите добиле барање за нивните податоци, пишува „Reuters“.
На сега веќе подолгиот список на компании и организации кои го поддржуваат „Microsoft“ се наоѓаат, меѓу останатите, и „Alphabet“ (Google), „Apple“, „Amazon“, „Washington Post“, „Fox News“, организацијата „Electronic Frontier Foundation“, Американската трговска комора и локалното Национално здружение на производители.
„Microsoft“ настојува да го укине споменатиот закон уште од април оваа година, кога компанијата започна постапка во судот во Сиетл.
