Продажбата на мало во Велика Британија се намали во август по забележаниот раст во јули, покажуваат податоците на „British Retail Consortium“ – водечката група на трговците на Островот, соопштува интернет изданието „MarketWatch“.
Статистиката додава дека мешаната слика на потрошувачките трошоци е како резултат на одлуката на Велика Британија да ја напушти Европската унија (ЕУ), дополнува весникот.
Падот на продажбата на мало во Велика Британија во август достигна 0,9% во однос на истиот месец од минатата година. Весникот потсетува дека во јули беше забележан раст на продажбата на мало во земјата од 1,1%.
Продажбата во продавниците се намалува за 0,3% за месецот наспроти растот од 0,1% во август 2015-та година. Ова е најслабата презентација од септември 2014-та година, пишува весникот.
Податоците се контраст со неодамнешната анкета меѓу трговците, спроведена од Конфедерацијата на британската индустрија во периодот меѓу 27-ми јули и 12-ти август. Резултатите од него сигнализираат дека се очекува раст на продажбата на мало.
Подоцна овој месец ќе бидат објавени и владините податоци за продажбата на мало во Велика Британија во август. Владините податоци за јули покажаа силен раст поради убавото време и слабата фунта кои ги охрабрија трошоците на странските туристи.
Некои економисти стравуваат дека во следните месеци серија фактори ќе ја ограничи потрошувачката, вклучувајќи го растот на инфлацијата и ограничениот раст на приходите.