Рускиот претседател Владимир Путин смета дека големината на еврозоната еден ден би можела да се намали доколку силните членки од тој блок одлучат да ги „збијат своите редови“.
„Не ја исклучувам можноста за донесување на некоја одлука која би обединила група земји со еднакво ниво на развој, со што, според моето мислење, би дошло до зајакнување на еврото“, изјави Путин во интервјуто за агенцијата Блумберг во Владивосток, град на брегот на Пацификот во кој започна вториот економски форум.
Фактот дека Русија чува 40 проценти од своите девизни резерви во евра, шефот на руската држава го наведе како доказ дека „колапсот“ на 19-члениот монетарен блок не е во интерес на неговата земја. Тој ја пофали водечката европска економија за „многу прагматичен пристап“ во решавањето на проблемите од тој блок.
Помалата еврозоната, фокусирана на економски силните членки со слично размислување, би ја зајакнала единстваната валута, што би ја зголемило и вредноста на руските резерви, констатира њујоршката агенција.
Заедничката 17-годишна валута беше загрозена во текот на долготрајната грчка економска криза, кога најслабата карика во Европската унија се најде блиску излезот од еврозоната, пред постигнувањето на договорот за спасувачкиот пакет помош во „последен час“, додава Блумберг.
