Свечено затворање и завршна изложба од деветтата Меѓународна графичка работилница „Софија“, ќе се одржи во петок со почеток во 20 часот во галерискиот простор на Печатница „Софија“ во Богданци.
На изложбата ќе бидат претставени делата што во изминатите десет дена ги создадоа 14 уметници (графичари) од Македонија, Србија, Хрватска, Словенија, Босна и Херцеговина и Бугарија кои учествуваа на годинешното издание на работилницата.
