Социјалната нееднаквост во големите светски економии е најдобро изразена во Русија, каде што речиси две третини од богатството го контролираат милионерите, покажува истражувањето, цитирано од „CNBC“.
62% од богатството во Русија го поседуваат милионерите (во доларски израз), а 26% се контролира од милијардерите, проценуваат од „New World Wealth“ во своето истражување.
„Ако милионерите контролираат над 50 отсто од богатството во одредена земја, значи има многу малку место за значајната средна класа“, коментираат од компанијата.
Јапонија, третата по големина светска економија, е „еднаква“ голема држава по овој показател, па милионерите таму контролираат само 22 отсто од вкупното богатство.
САД се „изненадувачки еднакви“, при што околу една третина од богатството во земјата е во сопственост на милионери.
„Тоа е изненадувачки низок удел во предвид негативното претставување на САД во однос на нееднаквоста во приходите“, посочуваат од „New World Wealth“.
Нееднаквоста на приходите, заедно со застојот на плаќањето и благосостојбата на средната и работничката класа, е во центарот на вниманието во САД пред претстојните претседателски избори во ноември.
„New World Wealth“ ја става САД на осмото место во светот по просек на благосостојбата на еден човек што се проценува на 151 илјади долари.
На чело на оваа листа е Монако, каде што над 5% од вкупно 40-те илјади жители имаат над 10 милиони долари. Богатството на еден човек таму е пресметано во просек на малку под 1,6 милиони долари.
Дел од богатството, концентрирано во милионери по држави:
Русија: 62%
Индија: 54%
Британија: 35%
САД: 32%
Австралија: 28%
Јапонија: 22%
