Инфлацијата во еврозоната се задржа на ниско ниво од 0,2 проценти во август, главно поради падот на цената на енергентите, соопшти европската агенција за статистика Еуростат.
Оваа ниска инфлација е далеку под целната инфлација на Европската централна банка од два проценти, која се смета за потикнувачка за економската активност.
Повторно ниските цени на енергентите ја повлекоа стапката на инфлација надолу, со пад од 5,7 проценти во август во однос на истиот месец минатата година. Сепак цената на енергентите го ублажи падот во август, бидејќи во септември беа во минус 6,7 проценти.
Европската централна банка покрена претходно низа поттикнувачки мерки да и помогне на економијата и да ја подигне инфлацијата на поздраво ниво.
Ваквите разочарувачки резултати би можеле да извршат притисок на ЕЦБ да донесе нови мерки на состанокот на гувернери на 8-ми септември. Аналитичарите, сепак, не очекуваат дека банката на тој состанок ќе усвои нови мерки, но не ја исклучуваат можноста таа тоа да го направи во наредните месеци доколку инфлацијата остане ниска.
