Веројатно мислите дека вашиот Фејсбук е прилично приватен, особено ако сте ги наместиле прилагодувањата на приватноста. Но, тој е се само не приватен.
Истражувачите од Универзитетот во Квинсленд истражија дека дури повеќе од 60 проценти од вработените веруваат дека имаат право на приватен идентитет на интернет.
Но, за жал тоа не е точно.
Работодавците имаат право да најдат се што сте прикачиле онлајн со цел „контролирање“ на вработените. Се прашувате како го прават тоа? Техниката одамна е унапредена, а мониторингот е нормална работа во големите компании ширум светот.
„Само 7 проценти од вработените се свесни дека цело време се следи нивното однесување на интернет мрежите. Околу 29 проценти од вработените слушнале дека работодавците го следат нивното однесување на мрежите доколку се логирани за време на работа. Работодавците главно ги интересира дали вработените поставуваат некои несоодветни коментари онлајн, дали пристапуваат до некои недолични групи и сл. Исто така, може да ги интересира и дали консумирате алкохол или нелегални дроги“, вели професорката Пола Мекдоналд.
Значи, сега е вистнско време да ги избришете сите оние фотки од „лудиот“ ноќен помин….
