Францускиот државен секретар за надворешна политика Матијас Фекл вели дека Франција сака прекин на преговорите меѓу ЕУ и САД за надворешната трговија.
Обвинувајќи ја американската страна дека во преговорите нуди „трошки“, Фекл вели дека Франција ќе побара од Европската комисија да ги запре преговорите со САД.
Барањето, како што наведе, ќе биде упатено на состанокот на министрите за трговија на ЕУ кој ќе биде одржан следниот месец во Словачка.
Фекл вели дека мора јасно да се дефинира чист и конечен прекин на преговорите околку предложениот договор.
Според неговите зборови, разговорите би можеле да бидат продолжени со цел подобрување на трговските односи на ЕУ и САД.
Германскиот министер за економија Зигман Габриел изјави дека преговорите за слободна трговија меѓу ЕУ и САД де факто се пропаднати, но американските претставници наведуваат дека во преговорите е постигнат благ напредок.