Економската доверба во еврозоната се намалува во август повеќе од очекувањата во знак дека последиците од гласањето за „Brexit“ веќе достигнуваат до компаниите и домаќинствата, соопштува „Bloomberg“.
Индексот за економските ставови на Европската комисија (ESI) се намалува од 104,5 поени до 103,5 поени. Просечната прогноза на економистите анкетирани од „Bloomberg“, беше за пад до 104,1 поени. Во јули показателот забележа неочекуван раст.
Податоците го поддржуваат аргументот за повеќе стимулации во еврозоната, кои ќе ја одржуваат обновата и да заживеат инфлацијата. Меѓународниот монетарен фонд веќе ги намали прогнозите за економскиот раст во монетарната унија поради одлуката на мнозинството Британци нивната земја да ја напушти Европската унија. Следната недела Европската централна банка (ЕЦБ) ќе ги објави своите предвидувања.
Во индустријата ставовите се намалуваат од -2,6 поени до -4,4 поени, што е најниско ниво по година и пол година. Довербата се намалува и кај услугите, трговијата на мало и меѓу корисниците. Истовремено ставовите во секторот на градежништвото растат до 8-годишен врв.
Очекувањата за инфлацијата во еврозоната се за забрзување од 0,2% во јули до 0,3% во август, што сепак останува далеку под целта од 2%. Прелиминарните податоци на Еуростат ќе бидат објавени, заедно со податоците за невработеноста во јули.
Одделно студија на Еврокомисијата покажува дека и бизнис климата се влошува, а индикаторот (BCI) се намалува со 0,36 поени до 0,02 процентни поени.
