На почетокот на годината „Samsung“ го претстави „Galaxy TabPro S“, хибриден таблет со оперативниот систем „Windows 10“.
Според пишувањето на интернет страната „SamMobile“, „Samsung“ веќе работи на негов наследник кој ќе го добие името „Galaxy TabPro S2“, т.е. и натаму како и неговиот претходник ќе претставува конкуренција на „Microsoft – Surface Pro“ уредите.
Новиот „Galaxy TabPro S2“ пристигнува со 12-инчен „Super AMOLED“ екран чија резолуција изнесува 2160 x 1440 пиксели и најновиот процесор на „Intel“ – „Core M“.
Во продажба ќе пристигнат четири различни верзии на овој хибриден таблет, кој ќе се разликува по одредени додатоци како што е на пример, поддршката за „4G LTE“ мрежата. Оперативниот систем најверојатно ќе биде цела верзија на „Windows 10“.
