Американската компанија Apple во понеделник испрати покани за презентација на производи што ќе се одржи на 7 септември, кога треба да биде претставен новиот модел на iPhone.
Како и обично, на поканата само е наведено местото и датумот, но не и што ќе биде презентирано.
Но, датумот се поклопува со периодот кога Apple секоја година ги претставува своите нови модели на iPhone, за да стигнат на пазарите на време за новогодишните и божикните празници.
Според гласините што кружат неколку месеци, една од новините на новиот iPhone 7 ќе биде отфрлањето на 3,5 милиметарскиот конектор во кој традиционално се вклучуваа слушалките.
Со тоа, корисниците ќе бидат принудени да инвестираат во безжични „блутут“ слушалки или да користат адаптер.