Повеќе од една четвртина од европските компании планираат да го намалат бизнисот, кој го имаат со британските банки, откако Велика Британија излезе од Европската унија (ЕУ). Тоа го покажуваат резултатите од анкетата спроведена од „Greenwich Associates“ и цитирана од „Bloomberg“.
28% од компаниите на континентот планираат да се оддалечат од британските банки, а 20% ќе прават бизнис со глобални банки, покажуваат податоците од анкетата на компанијата за консултантски финансиски услуги. Анкетата е спроведена меѓу 63 европски и британски корпорации.
Околу 8% од британските компании ќе го зголемат обемот на активностите што го прават со локалните банки, станува јасно од анкетата.
Клучната загриженост за компаниите е дали банките кои работат надвор од Лондон, ќе можат да продолжат да продаваат стоки и услуги слободно во ЕУ, откако Британија формално излезе од блокот.
Повеќе од половина од европските компании сметаат дека банките од Велика Британија ќе ги изгубат своите права, наспроти 37% од британските компании кои мислат дека тоа нема да се случи. Одговорите на ова прашање се дадени од 128 испитаници.
„Ако се покаже како точен, овој резултат ќе има значително влијание врз основите на европскиот финансиски пазар, од кој зависат овие корпорации што ќе предизвика дополнителни активности од нивна страна“, пишува во извештајот на „Greenwich Associates“.
Пасошките права не подлежат на преговарање, а ЕУ нема да ги промени правилата за да го задржи пристапот до единствениот пазар за Лондон. Тоа го коментира германскиот пратеник Микаел Фукс, кој е близок на германската канцеларка Ангела Меркел.
Банкарските извршни директори се особено обесхрабрени дека два месеци по референдумот министрите одговорни за преговорите ќе најдат најдобар договор за Велика Британија, сметаат дека можат да ги задржат придобивките од пристапот до единствениот пазар, без да прифатат слободно движење на европските граѓани.
Околу 45% од компаниите на континентот очекуваат „Brexit“ да има негативно или многу негативно долгорочно економско влијание, додека околу 30% од британските компании не мислат така.
Приближно половина од британските компании ги преиспитаа своите стратегии за хеџинг на каматните стапки и девизните движења.
