Германската економија продолжува да расте, но со побавно темпо во вториот квартал. Конечното читање на податоците за БДП-то потврди дека покачувањето на квартална основа изнесува 0,4 отсто, соопшти германската статистичка служба „Destatis“. Во периодот јануари-март растот беше 0,7%.
Позитивниот придонес доаѓа од балансот помеѓу извозот и увозот, при што извозот расте со 1,2%, а увозот се намалува за 0,1% во вториот квартал, на тој начин трговијата ги додава стабилните 0,6 процентни поени кон економскиот раст.
Домашната побарувачка упатува мешани сигнали. Трошоците за потрошувачка на домаќинствата се зголемуваат за скромни 0,2 отсто, а државните трошоци растат со 0,6%.
Капиталното обврзување сепак се намалува во однос на првиот квартал. Фиксното капитално обврзување во машини и опрема се намалува за 2,4%, а во градежништвото – со 1,6%. Покрај тоа залихите се намалуваат малку и имаат негативно влијание врз растот на БДП-то, така што се бришат 0,1 процентни поени.
На годишна основа, економскиот раст во Германија е 3,1%, што е највисоко зголемување од пред пет години. Експертите од „Destatis“ посочуваат дека сепак во периодот имало три работни дена повеќе, што се должи на тоа кога се паднати националните празници и затоа дошло до овој висок раст.
