Цените на барел нафта се стабилизираа во петок на меѓународните берзи под нивото од 51 американски долар, со оглед на тоа дека оценките за анемичната побарувачка и зголемената понуда го забавија оптимизмот во пресрет на разговорите на производителите за замрзнување на степенот на производство.
На лондонската берза цената на барелот остана речиси непроменета во однос на претходното затворање и изнесуваше 50,7 УСД. Позначителни промени во цената немаше ниту на американската берза, така што барелот се тргуваше по цена од 48,13 УСД.
Организацијата на земји извознички на нафта(ОПЕК) соопшти дека референтната цена на барел на нејзината нафта во четврток изнесувала 46,5 УСД, што значи дека пораснала 1,15 УСД во однос на претходниот трговски ден.