Случувањата на Македонската берза почнувајќи од 17 август станаа дел од анализата на регионалните берзи што на дневна основа ја изготвува InterCapital Securities од Хрватска, којшто и официјално стана партнер на СЕЕ Линк ДОО Скопје (заедничкото друштво основано од берзите од Софија, Загреб и Скопје) во делот на анализа на случувањата на пазарите на хартии од вредност од регионот.
Со оваа анализа се опфатени пазарите на капитал во Словенија, Хрватска, Романија, Србија, Бугарија и Македонија, а истата содржи податоци за дневните перформанси на берзите и најликвидните хартии од вредност, како и за позначајните корпоративни активности на секој пазар.
InterCapital Securities ја дистрибуира оваа публикација до поголем број институциионални и индивидуални инвеститори, а истата е достапна на интернет.