Последниот трговскиот ден од седмицива на Македонската берза за хартии од вредност дури единаесет акции во зелено поле.
Водач на листата беше акцијата на Охридска банка со раст од значајни 10 отсто и заврши на вредност од 2.981,00 денари. Зад неа со раст од 9,95 отсто се рангираа акциите на Окта АД Скопје, Уни Банка АД Скопје (+2,98 отсто), Стопанска банка АД Скопје (2,83 отсто), Македонија турист (2,65 отсто), Македонски телеком АД Скопје (2,6 проценти).
За да биде последниот ден од неделава во знакот на растот, листата на губитниците беше речиси празна, на неа се најде еднинствено акцијата на Гранит АД Скопје со пад од незначителни 0,85 отсто со истргувани 440 акции во вредност од 221 илјади денари.
Вкупно беше остварен промет од 5.616.571,21 денари, со истргувана количина од 24.619 лотови преку 40 трансакции.
Индексот МБИ-10 денот го заврши со раст на вредноста од 0,52 отсто, и изнесуваше 1.919,18 индексни поени, додека пак индексот ОМБ остана непроменет на вредност од 127,31 индексен поен.
