Во вчерашниот трговски ден на Македонската берза зголемен обем на тргување имаше со акцијата на Макпетрол АД при што се истргуваа 176 лотови по цена од 24.800 денари. Поточно таа оствари промет од околу 4,36 милиони денари , што беше 42,4% учество во вкупниот промет.
Зад неа на листата со промет над милион денари се најде и акцијата на Алкалоид АД Скопје со остварен промет од 1,5 милиони денари и истргувано количество од 290 лотови по цена од 5.303 денари.
На листата на добитници најголем раст оствари приоритетната акција на Стопанска банка АД Скопје со просечна цена од 397 денари и раст од 9,97 проценти. Зад неа се најде акцијата на Макстил со раст од 5,96 отсто. Наспроти ова на листата на губитници на денот прво рангирана беше акцијата на РЖЛЕ Арцелормиттал (ХРМ) Скопје со истргувани 4.306 акции, пад од значајни 14,29%.
Обврзниците за денационализација РМДЕН15 иако со значителен промет од 2,33 милиони денари не придонесоа за промена на индексот ОМБ, тој и понатаму на вредност од 126,90 индексни поени.
