Пекинг го одобри долгоочекуваното поврзување на берзите во Шенжен и Хонг Конг – последниот чекор кон либерализација на континенталните пазари и клучниот тест за инвеститорскиот апетит за кинески акции.
Поврзувањето најверојатно ќе започне до крајот на годината, речиси две години по лансирањето на сличната врска меѓу Хонг Конг и Шангај. Програмите наречени „Shenzhen Connect“ и „Shanghai Connect“, се единствените директни трговски врски на меѓународните инвестиции во кинеските пазари, кои се вторите најголеми во светот по пазарна капитализација.
„Shenzhen Connect“ за првпат ќе им овозможи на меѓународните инвеститори да тргуваат акции, внесени во јужниот кинески град, дом на многу повеќе технологија и стартапи, отколку во Шангај, кој е познат со поголем удел на државните претпријатија и банките, а и двата типови не се популарни меѓу меѓународните инвеститори.
„Подготвителната работа за „Shenzhen-Hong Kong Stock Connect“ е генерално завршена, а државниот совет го одобри нацртот за реализација на „Shenzhen-Hong Kong Stock Connect““, изјави премиерот на Кина, Ли Кицјан.
Поврзувањето со Шенжен се очекува долго време од пазарот, а регулаторите и берзата во Хонг Конг соопштија дека се подготвени. Последните тестови и подготвителната работа најверојатно ќе траат околу три месеци, што значи дека врската може да започне уште во ноември.
Хао Хонг, главен стратег во „Bocom International“, коментира дека ова е уште еден чекор во поврзувањето на трите берзи од двата дела на Кина, но предупреди дека „во краток рок може да има пад на профитот поради веста, веднаш откако ќе станат јасни сите детали“.
Акциите во Хонг Конг предвидуваат подем во последните денови поради надежите за претстојната порака за поврзување. „Shanghai Connect“ работи и во двете насоки, обезбедувајќи им го на континенталните инвеститори единствениот пристап до континенталниот пазар, како и овозможувајќи пари од странство да потечат на север.
„„Shenzhen-Hong Kong Connect“ има две позитивни страни: првата е дека покажува дека периодот на загриженост во Пекинг околу девизните излезни текови помина. Но од практична гледна точка таа открива поголем пристап до кинескиот пазар“, вели Ирвин Санфеј, регионален стратег во „Macquarie“.
