Инфлацијата во Велика Британија се забрза повеќе од очекуваното во јули, соопшти „WBPOnline“, повикувајќи се на податоци на Националната статистичка служба. Растот на потрошувачките цени продолжува да е на околу едно од највисоките нивоа во последната година и половина, покажуваат податоците.
Потрошувачките цени се зголемија за 0,6% во седмиот месец од годината во однос на истиот период од 2015-та година по раст од 0,5% во јуни, објави статистичката служба.
Аналитичарите не очекуваат промена во однос на податоците во претходниот месец.
Според статистичката служба главните фактори за забрзување на инфлацијата се зголемените цени на горивата, алкохолот и хотелските соби, објави „ВВС“. Предвид се и малиот пад на цените на прехранбените производи во споредба со минатата година.
Растечкиот притисок делумно се компензира со пад на кириите на социјалните станови и пониските цени на некои играчки.
Основната инфлација, која ги исклучува колебливите цени на горивата, алкохолот и прехранбените производи, достигна 1,3%, што е малку под нивото од 1,4% во јуни.
Економските аналитичари исто очекуваа забавување до 1,3%.
Податоците се собрани набргу откако Британците гласаа за излез од Европската унија на 23-ти јуни. Резултатот од гласањето доведе до паѓањето на фунтата и ги зголеми очекувањата дека инфлацијата ќе се забрза нагло, бидејќи Британците ќе плаќаат повеќе за увозната стока.
Инфлацијата во Велика Британија е под целно ниво на Англиската централна банка од 2% веќе две и пол години. Минатата година таа дури достигна нула вредности што беше нејзиното најниско ниво од 1950-та година, откако датираат првите архиви.
source: tradingeconomics.com