Денес во организација на Секретаријатот за европски прашања се одржа вториот координативен донаторски состанок, поврзан со катастрофалните поплави кои се случија на 6-ти август во Скопје и околината.
На состанокот се обрати вицепремиерот за евроинтеграции Арбр Адеми, а свои обраќања имаа и тим лидерот на експерти кои пристигнаа во Република Маедонија преку Европскиот механизам за цивилна заштита, Питер Глерим и постојан координатор на ООН и постојан претставник на УНДП во Македонија, Луиза Винтон.
Адеми истакна дека целта на овој состанок е да се добие појасна слика за целокупната донаторската поддршка која до овој момент е обезбедена од страна на билатералните партнери, за која првично се разговараше на минатонеделниот состанок.
Глерим информираше за улогата и поддршката која ја обезбедува Механизмот за цивилна заштита, координацијата на помошта која веќе е добиена и помошта која дополнително ќе пристигне, а ги презентираше и советите кои се однесуваат на листата за потреби, геохидролошките проблеми и проблемите со канализацијата, како и начините на кои истите ќе се решаваат и ќе се санираат настанатите штети.
Адеми им се заблагодари на сите донатори за нивната подршка и ги охрабри редовно да ја пријавуваат помошта која ја донираат, со цел да се добие посеопфатен преглед на донираната помош, се вели во соопштението од СЕП.
