Државната награда „Мајка Тереза”, за 2016 година му е доделена на прим. Д-р Димитар Котевски, за остварувања во областа на хуманоста и човечката солидарност.
Одборот за доделување на државната награда „Мајка Тереза”, на својата седница одржана во неделата донесе одлука за доделување на државната награда „Мајка Тереза” во 2016 година за особено значајни остварувања од интерес на државата во областа на хуманоста и човечката солидарност и за поттикнување, унапредување на меѓусебното разбирање и развој на соработката, како меѓу народите, така и меѓу припадниците на различните заедници, култури и вери.
За остварувања во областа на хуманоста и човечката солидарност и за поттикнување, унапредување на меѓусебното разбирање и развој на соработката, како меѓу народите, така и меѓу припадниците на различните заедници, култури и вери, државната награда се доделува на прим. д-р Димитар Котевски.
Наградата на добитникот ќе биде врачена на 26.8.2016 година во 14 часот, петок во Собранието на Република Македонија.
