График на денот: Која е најголемата урбана економија во светот?

Поранешна телевизиска водителка ќе биде првата жена која ќе управува со најголемата градска економија во светот, коментира „Quartz“.

Јурико Коике, којa е и поранешен министер за одбрана, беше избрана на 31-ви јули за гувернер на Токио, откако нејзиниот претходник поднесе оставка минатиот месец поради неовластено користење на финансиски средства. Во својата нова улога на 64-годишната Коике ќе управува со речиси 14 милиони луѓе само во Токио.

Поголемaта метропола сепак, кој ги вклучува соседните административни центри како Чиба и Канагава, вклучува околу 37 милиони лица – што е повеќе од населението на Канада. За споредба – Њујорк, кој вклучува делови од Њу Џерси и Конектикат, на пример, вклучува само околу 20 милиони луѓе. Од економска гледна точка, бруто домашниот производ на пошироката област на Токио е помал само од 11 земји во светот. БДП-то на метрополата, кој изнесува 1,6 ијади милијари долари, е поголем од оној на држави како Австралија и Јужна Кореја. За споредба – БДП-то на Њујорк е 1,4 илјади милијарди долари, а на Лос Анџелес, кој е на трето место на листата за овој индикатор – едвај 860 милијарди долари.