Австрија ќе додели помош од 500.000 евра на Македонија по поплавите од Фондот за елементарни непогоди во странство, соопштено е денеска во Виена.
Како што појасни министерот за надворешни работи на Австрија, Себастијан Курц, парите ќе бидат ставени на располагање на австрискиот и на македонскиот Црвен крст.
Тие треба да се искористат за евакуирање на лицата во привремени престојувалишта.
„Се подразбира дека Австрија како партнер и помага на Македонија. Не смееме да ги оставиме луѓето по ова невреме на цедило“, порача Курц во соопштението.