Бројни приврзаници на веќе поранешниот германски шампион Борусија Дортмунд се собрале пред клупскиот фан-шоп во кој беа пуштени последните билети за полуфиналната средба со Реал Мадрид во Лигата на Шампионите.
Стотици навивачи на Борусија завчера поставија шатори, столици, маси и пред фан-шоп чекаа со надеж дека ќе дојдат до вредното парче хартија. Жени и мажи седеа и чекаа, чита весници, пиеа пиво и го чекаа последното „раздавање“ на билетите. Така во Дортмунд многумина продолжуваат да се надеваат дека ќе успеат да се најдат на трибините и да присуствуваат на судирот со шпанскиот гигант. До вчера во канцеларијата на Борусија имаше 832 000 барања за билети!
Дуелот е закажан на 24-ти април на „Сигнал Идуна Парк“. Легендарниот фудбалски објект во Дортмунд е со капацитет од 80.600 гледачи, но за меѓународните средби тој се намалува на 65.600 седишта.
Инаку за потсетување симпатизерите на Борусија за да ја следат средбата со Реал Мадрид ќе мораат да одвојат од 45 до 170 евра.
