Две години по воведувањето на руското ембарго за европските земјоделски стоки, потрошувачките цени во Русија се зголемија за 24%, а прехранбените производи поскапеле за една третина, пишува московскиот весник „Независимаја газета“.
Весникот потсетува дека по воведувањето на ембаргото (на 6-ти август 2014-та година) Владата вети дека ќе преминува шпекулативно зголемување на цените.
Весникот истакнува дека државниот врв на земјата ги нарекле санкциите „мелем за душата“, а во исто време експертите очекуваат уште поголем раст на цените.
Исто така, весникот се повикува на статистичките податоци, според кои потрошувачките цени одбележуваат 24 проценти раст, а храната околу 30%. Рибата поскапува со над 40%, овошјето и зеленчукот со над 30%, млекото и млечните производи со 20%, месото и пилешкото со над 10%.
Весникот ги цитира и информациите на Министерството за економија, кое тврди дека за двете години на ембарго храната поскапела со 31,6 отсто, а рускиот пазар се прилагодил кон ембаргото.
Придонесот на храната кон инфлацијата во јуни е намалена за 31 отсто на годишна основа по забележаниот максимум во февруари 2015-та година, кога бил 52 отсто, вели министерството.
Во написот се истакнува дека очигледно руските контрасанкции по санкциите на Западот веќе не се само привремена мерка, откако неколку пати беа продолжувани, последно до крајот на 2017-та година. Социолозите потврдуваат дека Русите гледаат да заштедат на храна, јадат помалку и полошо, пишува весникот.
Во извештајот на весникот се вели дека продавниците се вратиле во состојба од советското време. Се забележува значително намалување на асортиманот, па така повеќето супермаркетите личат на музеи – светли и пространи. Честа е практиката штандовите да се пополни само од еден производ.
Во меѓувреме ТАСС информира дека над 7,5 илјади тони растителни храна од ембарго листата се уништени за една година во Русија. Од нив значителен е процентот на овошјето и зеленчукот – јаболка, круши, праски, домати и друго. За една година се уништени и 228,642 тони животински продукти.
Оваа практика беше воведена во Русија година по воведувањето на ембаргото – на 6-ти август 2015-та година, потсетуваат агенциите.
