Утрово се случи официјалното отворање на Летните олимписки игри во Рио де Жанеиро, кое се одржа на стадионот „Маракана“. Организаторите вложија многу напор, труд и пари за да стигнат до тука.
Да си домаќин на Олимпијада без сомнение е скапо задоволство.
На крајот на 2015-та година жителите на германскиот северен град Хамбург гласаа за повлекување на кандидатурата на градот за домаќини на игрите во 2024-та година, а токму финансирањето беше главен фактор за одлуката, потсетува „Statista“. 51,6 проценти од жителите на Хамбург одговорија со „не“ на прашањето дали сакаат Олимпијада во нивниот град.
Според податоците на „Oxford Olympic Study 2016“, Рио потрошил 4,58 милијарди долари за оваа година да биде домаќин на Игрите, што претставува пречекорување на однапред пресметаниот буџет со цели 51%. Според други податоци сепак трошоците се во износ од 38,7 милијарди реали (10,96 милијарди долари).
И иако првата звучи како прилично сериозна сума, таа е ништо во споредба со парите кои Сочи ги потроши за Зимските игри пред две години. Проектите предводници на настанот ги надмина значително многу буџетите, поради што вкупните трошоци се зголемуваа како „снежна топка која се тркала по падина на планина“.
На крајот игрите ја чинеа Русија над 20 милијарди долари – огромно проширување на буџетот со цели 289 проценти.
Во 2007-ма година Велика Британија ги зголеми повеќе од трипати трошоците за игрите во 2012-та година до 9,3 милијарди фунти (15,5 милијарди долари), откако претходно властите ги имаа потценето трошоците за изградбата на објекти.