Англискиот производител „McLaren“ размислува за ажурирање на палетата до 2022-ра година. Оваа постапка ќе е навистина голема, така што предвидува појава на дури 15 нови модели.
За таа цел на компанијата ќе и биде потребна развиената стратегија „Track22“ која беше претставена на автомобилскиот саем во Женева, претходно во оваа година.
Програмата предвидува обновување на моделите од трите категории на производителот – „Sports“, „Super“ и „Ultimate Series“. Така во следните 6 години „McLaren“ ќе инвестира 1 милијарда фунти во развој и конструирањето на 15-те нови модели. Меѓу нив ќе бидат „Spider“ верзијата на „570S“, наследникот на „650S“, верзија на „675LT“ за на тркачка патека, како и наследникот на „F1“.
Според шефот за продажба Џулијан Неш, барем 2 верзии ќе бидат претставени секоја година, вклучувајќи и лимитирана серија, како „650S Can-Am“. Уште еден голем дел од моделите на „McLaren“ пак ќе добијат нова хибридна технологија базирана на онаа кај моделот „P1“.
Подобрениот бензинско-електричен хибриден систем со „V6“ турбо агрегат, сепак нема да има пред продолжувањето на тековните модели „540C“, „570S“ и „570GT“ кои најверојатно ќе се појават до почетокот на новата деценија. Досегашните „V8“ мотори пак ќе продолжат да се произведуваат паралелно со иновациите на палетата, откри уште Неш.
