Секоја стока во светот има свој купувач. Најчесто кога ќе слушнеме за цената на некое луксузно јадење се чудиме кој всушност купува нешто што е толку скапо, но и најскапите намирници во светот си го наоѓаат својот богат гурман.
Која е најскапата храна во светот?
1.Најскапа пица во светот е “Louis XIII” која ја нуди младиот италијански кувар Ренато Виола. Таа чини 8.300 евра. Нејзините состојки се моцарела, месо од бафало, три вида кавијар, црвени краби и јастог.
2.Компирот од сортата “La Bonnotte” се смета дека лично го создал врховниот бог на Инките. Толку е нежен по својата структура што мора да се собира исклучиво рачно. Килограм од овој компир чини околу 500 евра.
3.Најскапиот омлет во светот можете да го вкусите во ресторанот на њујоршкиот хотел “Le Parker Meridien”. Чини 1.000 долари. Освен јајца содржи иситнет јастог и кавијар.
4.Најскапиот десерт во светот се служи во њујоршкиот ресторан “Serendipity 3″. Украсен е со позлатени лушпи и го служат во чаша украсена со злато и дијаманти. Овој луксуз чини 25.000 долари, а празната чаша може да си ја земете за спомен.
5.Најскапото чоколадо во светот е “Chocopologie by Knipschildt” и се произведува во САД. За парче од 453 грама плаќате 2.600 долари.
6.Најскапиот кавијар во светот не е црниот. Најскапиот е наречен “Almas” од Иран и претставува икри од албино-белуга. 100 грама икри спакувани во тегла од чисто злато чинат 2.000 долари.
7.Најскапа печурка во светот е белиот тартуф. Овој специјалитет нема утврдена цена затоа што секое парче се продава на аукција. Во 2007 година тројца хонгконгшки магнати за 750 грама заедно платиле 209.000 долари.
8.Најскап зачин во светот е шафран. Еден килограм чини 6.000 долари.
9.Најскапо месо во светот е прочуеното јапонско мраморно говедско. Филе од 200 грама чини повеќе од 100 долари, а поубавите парчиња чинат 1.000 долари.
10.Најскап орев во светот е макадамија. Годишно се произведуваат 40 тони макадамија. Килограм макадамија чини околу 40 долари.
